ડાયાબિટિક માટે ઉપયોગી ઇન્સ્યુલિન પંપ

 

ડાયાબિટીસના દર્દીઓ માટે સારા સમાચાર છે. હવે દેશમાં ઇન્સ્યુલિન પંપ થેરપી આવી ગઇ છે. તેની મદદથી ડાયાબિટીઝના દર્દીઓને દરરોજ ઇન્સ્યૂલિનના ઇન્જેકશન લેવામાંથી છૂટકારો મળશે.

ઇન્સ્યુલિન પંપ શું છે : ઇન્સ્યુલિન પંપ એક આધુનિક મેડિકલ ડિવાઇસ છે. તે પેજર જેવું દેખાય છે. તેને દર્દીના બેલ્ટમાં કે પોકેટ પર લગાવી શકાય છે. આ ડિવાઇસ સાથે કે પ્લાસ્ટિકની નળી જોડાયેલી છે. તે નળી એન્ટી-એબ્ડોમિનલ સાથે સોયથી એટેચ થાય છે. તેને કેન્યુલા કહે છે. આનાથી દર્દીના શરીરમાં નિર્ધારિત પ્રમાણમાં ઇન્સ્યુલિન પહોંચતું રહે છે. આ ટેકનિકમાં ડાયાબિટિકે મહિનામાં પંપથી ફકત ૬થી ૮ વાર ઇન્જેકશન લેવા પડશે, જયારે હાલમાં ઇન્જેકશનથી ઇન્સ્યુલિન લેવા માટે તેને ૯૦થી ૧૦૦ વાર ઇન્જેકશન લેવા પડે છે.

રીત શું છે : પહેલાં ૧૦થી ૧૨ દિવસ સુધી દર્દીનો ડાયાબિટીસ ચેક કરવામાં આવે છે. ત્યાર પછી પંપ લગાવવામાં આવે છે.

કમિંત : આ પંપની કમિંત ૧ લાખ રૂપિયાથી માંડીને સાડા ત્રણ લાખ રૂપિયાની વરચે છે.