દાલ મહારાની

 

 દાલ મહારાની સામગ્રી: 1/4 કપ રાજમા 1/4 કપ આખા અડદની દાળ 1/4 કપ ચણાની દાળ 1 સમારેલી ડુંગળી 2 સમારેલા ટમેટા 3 લીલા મરચાં 1/2 ઈંચ આદુનો ટુકડો છીણેલો સ્વાદ અનુસાર મીઠું 1 ચપટી હળદર પાવડર 1 ટીસ્પૂન લાલ મરચાંનો પાવડર લીલા ધાણા 1 ટેબલસ્પૂન માખણ 1/4 કપ મલાઈ 1/4 ટીસ્પૂન જીરૂના દાણા 1/4 ટીસ્પૂન રાયના દાણા રીત: - રાજમા, અડદની દાળ અને ચણાની દાળને આખી રાત પાણીમાં પલાળીને રાખો.

- બીજા દિવસે આ ત્રણેય દાળને સાથે પ્રેશર કુકરમાં બાફીને પીસી લો.

- હવે એક પેનમાં ઘી ગરમ કરો. તેમાં રાયના દાણા અને જીરૂ ઉમેરો.

- રાયના દાણા ફૂટે એ સાથે તેમાં આદુ અને લીલા મરચાં ઉમેરો.

- થોડી મિનીટ સુધી સાંતળો અને પછી સમારેલી ડુંગળી અને ટમેટા ઉમેરો. થોડી વાર રહેવા દો.

- તેમાં મીઠું, લાલ મરચાંનો પાવડર અને હળદર ભેળવીને બરાબર હલાવો.

- હવે તેમાં બાફીને પીસેલી દાળ ઉમેરીને થોડી મિનીટ સુધી ઉકળવા દો.

- તેમાં મલાઈ અને લીલા ધાણા ઉમેરીને ફરીથી હલાવો.

- ગરમા ગરમ દાલ મહારાની રોટી સાથે સર્વ કરો.