ઘરે બનાવો 'ચીઝ ચીલી ટોસ્ટ'

 

 

બાળકો માટે બનાવો ચીઝ ચીલી ટોસ્ટ

સામગ્રી:

1/4 કપ દૂધ
1/4 ટી..સ્પૂન મેંદો
3 કળી ક્રશ કરેલું લસણ
4 ટેબ.સ્પૂન કુકિંગ ચીઝ
2 નંગ લીલા મરચા ઝીણા સમારેલા
4 ટેબ.સ્પૂન પ્રોસેસ ચીઝ
1 નંગ ડુંગળી ઝીણી સમારેલી
5 થી 6 સ્લાઈસ બ્રેડ
2 ટેબ.સ્પૂન બટર
સ્વાદ પ્રમાણે મીઠું
1 ટી.સ્પૂન મરી પાવડર
1 ટેબ.સ્પૂન ઝીણા સમારેલા કેપ્સીકમ

સર્વ કરવા માટે:

ટોમેટો કેચપ

રીત:

-સૌ પ્રથમ એક નોન સ્ટીક પેન માં બટર ગરમ કરી તેમાં ક્રશ કરેલું લસણ સાંતળી લો.
-હવે તેમાં મેંદો નાખી 1/2 મિનીટ માટે ફરી સાંતળી લો.
-તેમાં દૂધ નાખી કુકિંગ ચીઝ અને 3 ટેબ.સ્પૂન પ્રોસેસ ચીઝ નાખી મિશ્રણ જાડું થાય ત્યાં સુધી ધીમા તાપે સતત
હલાવતા રહો.
-ઘટ્ટ થાય એટલે તેમાં લીલા મરચા,ઝીણી સમારેલી ડુંગળી અને ઝીણા સમારેલા કેપ્સીકમ ઉમેરી હલાવી લો.
-હવે બ્રેડ ની સ્લાઈસ ને ટોસ્ટ કરી તેની ઉપર તૈયાર કરેલો ચીઝ સોસ પાથરો
-ઉપર થી બાકીનું પ્રોસેસ ચીઝ ભભરાવી ઓવન માં ગ્રીલ કરવા મુકો
-ઉપરનો ભાગ બદામી થવા આવે એટલે બહાર કાઢી કટ કરી ગરમ હોય ત્યારે જ ટોમેટો કેચપ સાથે સર્વ કરો.
*એકલું પ્રોસેસ ચીઝ પણ વાપરી શકાય

*જો લસણ ન નાખવું હોય તો તેના વગર પણ આ વાનગી બની શકે છે

*જો ઓવન કે માઇક્રોવેવ ન વાપરવું હોય તો તવી ગરમ કરી તેની પર તૈયાર ટોસ્ટ મૂકી ઢાકણ ઢાંકી ચીઝ ઓગળે ત્યાં સુધી ગરમ કરવું