નવરત્ન બિરિયાની

 

 

નવરત્ન બિરિયાની

સામગ્રી:

2 બટાકા
2 ટામેટા
2 કેપ્સિકમ
100 ગ્રામ વટાણા
4-5 લીલાં મરચાં
8-10 પાન ફુદીનો
2 ડુંગળી - ૨ નંગ
100 ગ્રામ કોબીજ
2 ટીસ્પૂન લીંબુનો રસ
500 ગ્રામ ચોખા
જરૂર અનુસાર કેસરી રંગ
2 ટેબલસ્પૂન તેલ
1 ટીસ્પૂન લાલ મરચાંનો પાવડર
1 ટીસ્પૂન હળદર
1 ટીસ્પૂન ગરમ મસાલો
2 ટીસ્પૂન ધાણા પાઉડર
સ્વાદ અનુસાર મીઠું
8-10 કાજુ-કિશમિશ
3 ટીસ્પૂન આદું-લસણની પેસ્ટ
તેજાના - જરૂર પૂરતા

રીત:

- બધાં શાકને સમારી લો. ચોખાને બે કલાક પલાળી રાખી પછી પાણી નિતારી લો.
- એક કડાઇમાં થોડું તેલ ગરમ કરી તેમાં વટાણાના દાણાને તળી લો.
- હવે ફરી તેલ ગરમ કરી તેમાં ડુંગળીને સાંતળી લો. આછી બ્રાઉન રંગની થાય એટલે તેમાંથી અડધા ભાગની ડુંગળી અલગ કાઢી લો. - બાકીની ડુંગળીમાં આદું-લસણની પેસ્ટ, મરચું, હળદર, ધાણા પાઉડર નાખીને શેકો. - તેમાં બધાં શાક ભેળવી 4-5 મિનિટ રહેવા દો. - મીઠું, લીંબુનો રસ અને ગરમ મસાલો ભેળવી એકરસ થાય એટલે મિશ્રણને આંચ પરથી ઉતારી લો.
- એક તપેલીમાં થોડું પાણી ગરમ કરી તેમાં આખો મસાલો (તેજાના) અને મીઠું નાખો. - તેમાં ઊભરો આવે એટલે પલાળેલા ચોખા ઉમેરો. ચોખા બફાઇ જવા આવે એટલે તેનું પાણી નિતારી લઇ અધકચરા બફાયેલા ભાતને ફરીથી તપેલીમાં નાખો. - તેનો એક્સરખો થર કરી તેના પર શાકનું મિશ્રણ પાથરો. - તે પછી તેના પર સાંતળેલી ડુંગળી, લીલાં મરચાં, કાજુ-કિશમિશ, ફુદીનાનાં પાન પાથરો. - હવે તેના પર થોડું તેલ રેડૉ. ઉપર ફરીથી ભાતનો થર કરો. 4-5 ચમચા નવશેકા પાણીમાં કેસરી રંગ ઘોળો. - ચપ્પુથી ભાતમાં બે-ત્રણ જગ્યાએ કાણા પાડી તેમાં આ કેસરી રંગ રેડો અને તપેલી ઢાંકી દો. - 10-15 મિનિટ સુધી ધીમી આંચ પર રહેવા દો. - ચોખા બરાબર બફાઇ જાય એટલે ગરમાગરમ નવરત્ન બિરિયાની સર્વ કરો.