અગિયારસ નિમિત્તે બનાવો 'ફરાળી બિરિયાની'

 

 

અગિયારસ નિમિત્તે બનાવો 'ફરાળી બિરિયાની'

સામગ્રી:

1 કપ મોરિયો
1 ટી.સ્પૂન તેલ
1/4 ટી.સ્પૂન જીરું
2થી 3 નંગ ઝીણા સમારેલા લીલા મરચા
સ્વાદ પ્રમાણે સિંધાલુણ
1 ટી.સ્પૂન લીંબુ નો રસ
1 ટી.સ્પૂન ખાંડ
1 ટેબ.સ્પૂન શેકેલી શીંગ નો અધકચરો ભૂકો
ચપટી લાલ મરચું

1 નંગ છીણેલો બટાકો
1 ટી.સ્પૂન તેલ
1/4 ટી.સ્પૂન જીરું
સ્વાદ પ્રમાણે સિંધાલુ
1/2 ટી.સ્પૂન લાલ મરચું
2 નંગ ઝીણા સમારેલા લીલા મરચા
1 ટી.સ્પૂન લીંબુનો રસ
1 ટી.સ્પૂન ખાંડ
1 ટેબ.સ્પૂન શેકેલી શીંગ નો અધકચરો ભૂકો

ગાર્નીશિંગ માટે
1 ટેબ.સ્પૂન મસાલા શીંગ નો અધકચરો ભૂકો

રીત:

-સૌ પ્રથમ એક પેન માં તેલ લઇ જીરું નો વઘાર કરી લીલા મરચા અને શીંગનો ભૂકો નાખી તેમાં છીણેલો બટાકો નાખો.
(બટાકા ને છીણી ને ૨ થી ૩ વાર પાણી થી ધોઈ નાખવાથી છીણ છૂટી થશે.)
-તેમાં સ્વાદ પ્રમાણે સિંધવ નાખી ચડવા દો.
-બરાબર ચડી જાય પછી તેમાં લીંબુ નો રસ અને ખાંડ નાખી હલાવી ખાંડ નું પાણી બળી જાય એટલે નીચે ઉતારી સાઈડ પર રાખો.
-હવે બીજા પેન માં તેલ લઇ જીરું નો વઘાર કરી લીલા મરચા અને શીંગ નો ભૂકો નાખી 2 કલાક પલળેલો મોરિયો નાખો.૧ કપ મોરિયો હોય તો ૧ કપ પાણી નાખી ચડવા દેવું.
-વચ્ચે જરૂર પડે તો બીજું પાણી નાખવું.પણ બને તેટલો છૂટો થવા દેવો.ચડી જાય એટલે તેમાં લીંબુ નો રસ અને ખાંડ નાખી બરાબર હલાવી નીચે ઉતારી લો.
-હવે એક બાઉલ માં છેક નીચે શેકેલી મસાલા શીંગ નો ભૂકો અને ચપટી લાલ મરચું ભભરાવી તેની પર મોરિયા નું એક લેયર કરો
-ત્યાર બાદ તેની પર બટાકા ની છીણનું લેયર કરો.તેની ઉપર ફરી મોરિયા નું લયેર કરી બરાબર દબાવી લો.
-આ વાનગી ને દહીં ની ચટણી સાથે સર્વ કરો.

*દહીં ની ચટણી બનાવવા માટે દહીં માં મીઠું નાખી બરાબર વલોવી ઉપરથી લાલ મરચું અને શેકેલો જીરું નો પાવડર છાંટી લેવો.