સેવ ઉસળ

સેવ ઉસળ

સામગ્રી:

2 કપ સૂકા વટાણા
1 નાની ડુંગળી
1 ટમેટું
1/2 કપ ચણાના લોટની ઝીણી સેવ
આંબલીની ચટણી
લીલી ચટણી
દહીં
આદુ-લસણની પેસ્ટ
લીમડાના પાન
પાવભાજી મસાલા
1 ચપટી હળદર
1 ટીસ્પૂન લાલ મરચાનો પાવડર
સ્વાદ અનુસાર મીઠું
લીલા ધાણા

વઘાર માટે:

1 ટેબલસ્પૂન તેલ
1 ટીસ્પૂન જીરું
1 ચપટી હીંગ

રીત:

- સૂકા વટાણાને 5-6 કલાક અથવા આખી રાત પાણીમાં પલાળીને રાખો.
- બીજા દિવસે વટાણાને મીઠાં સાથે પાણીમાં પ્રેશર કુક કરી લો.
- આ દરમિયાન ડુંગળી-ટમેટાં સમારી લો અને ચટણી બનાવી લો.
- હવે એક પેનમાં એક ટેબલસ્પૂન તેલ ગરમ કરો.
- તેમાં જીરુંના દાણા, હીંગ અને લીમડાંના પાન ઉમેરો.
- ટમેટાં ઉમેરો.
- આદુ-લસણની પેસ્ટ અને અન્ય મસાલા ઉમેરો.
- હવે બાફેલા વટાણા ઉમેરો અને સાથે પાણી પણ. 5 મિનીટ સુધી ઉકળવા દો. મિશ્રણને રગડાં જેટલું ઘટ્ટ થવા દો.
- સર્વ કરતા પહેલા ઉસળને બાઉલમાં કાઢો.
- ડુંગળી, સેવ અને લીલા ધાણા સાથે ગાર્નિશ કરીને સર્વ કરો.