તલ ચણા બિરિયાની

 

 

તલ ચણા બિરિયાની

સામગ્રી:

1 કપ ચોખા
6 નાની ડુંગળી
1/2 કપ કાબુલી ચણા
4 લીલાં મરચાં
5 નાની બટાકી
4 લવિંગ અને તમાલપત્ર
2 ટેબલસ્પૂન સફેદ તલ
1 ટીસ્પૂન લાલ મરચાંનો પાવડર
તેલ જરૂર પ્રમાણે
1 લીંબુ
1 ટીસ્પૂન મરીનો પાઉડર
1 ટીસ્પૂન લસણની પેસ્ટ
3-4 ચીઝ કયૂબ
8-10 ચેરી
બારીક સમારેલી કોથમીર

રીત:

- ચોખા અને કાબુલી ચણાને જુદા જુદા પલાળો. - બે કલાક પછી તેનું પાણી નિતારી લો. - હવે એક કડાઇમાં થોડું તેલ ગરમ કરી તેમાં આખી ડુંગળી, બટાકી, લીલાં મરચાં, મીઠું નાખી બરાબર સાંતળો. - લીંબુનો રસ ભેળવીને પછી આંચ પરથી ઉતારી લો.- હવે બીજી તપેલીમાં તેલ ગરમ કરી, તેમાં તમાલપત્ર, લવિંગ, મરચું, લસણની પેસ્ટ નાખીને સાંતળો. - થોડી વાર પછી તેમાં ચોખા અને કાબુલી ચણા ઉમેરો અને હલાવો. - જરૂર પૂરતું પાણી રેડી સ્વાદ મુજબ મીઠું નાખો. - ચોખા બફાઇ જાય એટલે તેમાં સાંતળેલી બટાકી, ડુંગળી અને તલ ભેળવો. કોથમીર, ચીઝ કયૂબ, ચેરીથી સજાવટ કરી ગરમાગરમ સર્વ કરો.