કાંઇક આવી રીતે માનવીએ ધરતી પર પહેલું પગલું ભર્યું હતું

 

  - તાજેતરના સંશોધન બાદ વૈજ્ઞાનિકોએ કર્યો ખુલાસો- પૂર્વ આફ્રિકાના જંગલોમાં માનવીએ ભરી હતી પહેલી પા-પા પગલી

“એ.. તને ચાલતા નથી આવડતું?” આ વાક્ય આજ સુધીમાં ક્યારેક તો તમારા કાન સાથે અથડાયું જ હશે પરંતુ તાજેતરમાં જ વૈજ્ઞાનિકોએ ખુલાસો કર્યો છે કે માનવી સૌપ્રથમ ચાલતાં ક્યારે અને કેવી રીતે શીખ્યો હતો.

વૈજ્ઞાનિકોએ ખુલાસો કર્યો છે કે હવામાં લહેરાતાં લીલાછમ ઘાસવાળા મેદાનોની વચ્ચે અમુક ઊગી નીકળેલા છત્રી આકારના વૃક્ષોની ડાળીઓ પર મનુષ્યના પૂર્વજો ચાલતાં શીખ્યા હતા.

નેચર જર્નલના તાજેતરના અંકમાં સંશોધકોએ કહ્યું છે કે ભૂતકાળમાં પૂર્વ આફ્રિકાના ખુલ્લા જંગલ અને વૃક્ષો વગરના ઘાસવાળા મેદાનોએ માનવજાતને અભિભૂત કરી હતી અને મનુષ્યના પૂર્વજો વૃક્ષોની ડાળ પકડીને ચાલતાં શીખ્યા હતા.

યુનિવર્સિટી ઓફ ઉતાહના ભૂસ્તરશાસ્ત્રના પ્રોફેસર થુર સર્લીંગે કહ્યું હતું કે “જ્યારે અમને માનવીના પૂર્વજો અંગે કશીક માહિતી મળે છે ત્યારે અમને એ વાતનો પણ પૂરાવો મળે છે કે તેમનું કુદરતી રહેણાંક વૃક્ષો વગરના ઘાસવાળું મેદાન હતું.”

સંશોધકોને જાણવા મળ્યું છે કે આ ઘાસવાળી જમીન અને ખુલ્લા જંગલના વિશાળ વિસ્તારો અહીં સતત છેલ્લા 7.4 કરોડ વર્ષોથી હાજર હતા.

પ્રાચીન વનસ્પતિઓની સમજની પેટર્ન વૈજ્ઞાનિકોને કેટલાક મહત્વના કોયડાઓ ઉકેલવામાં મદદ કરી શકે તેમ છે. જેવા કે કેવા પ્રકારના પર્યાવરણે માનવીને વિકાસ કરવા માટે દબાણ કર્યું હશે.

સેર્લિંગે કહ્યું હતું કે “હાલના કેટલાક વૈજ્ઞાનિકો એવું માને છે કે પૂર્વ આફ્રિકામાં 2 મીલિયન વર્ષો પહેલા બધે જ જંગલો હતો અને ત્યારબાદના 2 મીલિયન વર્ષો સુધી અહીં વૃક્ષો વગરના લીલા ઘાસવાળા મેદાનો હતા. આ વિકાસ જ દર્શાવે છે કે અહીં કુલ 4 મીલિયન વર્ષો પહેલા બે પગોવાળા પ્રાણીઓ હાજર હતા. છેલ્લા 4.3 મીલિયન વર્ષો દરમિયાન મળી આવેલા માનવજાતિના અવશેષો પરથી અંતે અમે એવા નિર્ણય પર પહોંચ્યા છીએ કે માનવીના પૂર્વજો વાંદરામાંથી બન્યા હતા.”