હવે તો દવામાંથી લોખંડનો તાર નીકળે છે

 

 

કડીના ગંજબજાર વિસ્તારમાં આવેલ ખાનગી દવાખાનામાંથી ચાર વર્ષીય પુત્રી માટે લવાયેલ તાવની દવાની ગોળીમાંથી લોખંડનો તાર નીકળતા ચકચાર મચી જવા પામી છે. પુત્રીને દવા પીવડાવવા જતા પિતાએ દવાની ગોળીને અડધી કરતા આ ચોંકાવનારો કિસ્સો પ્રકાશમાં આવતા દર્દી સાથે ચેડાં કરનાર દવા બનાવતી કંપની સામે શિક્ષાત્મક પગલા કડી આરોગ્ય વિભાગમાં રજુઆત કરી છે.

ચોંકાવનારી આ કિસ્સાની વિગત એવી છે કે, કરણનગર સ્થિત સોમેશ્વર તીર્થ સોસાયટીમાં રહેતા હર્ષદભાઈ સુથારની ચાર વર્ષીય પુત્રી જીલને તાવ હોઇ તેઓ ગત શનિવારે જીલને લઇ દવા લેવા માટે અહીંના ગંજબજાર વિસ્તારમાં આવેલ દવાખાને ગયા હતા. ડોક્ટરે જીલને તપાસી કાગળના પેકેટમાં છુટક તાવની દવા આપી હતી.

સોમવારે સવારે હર્ષદભાઇ પુત્રી જીલને અડધી ગોળી આપવાની હોઇ ડા¸કટર ગોળીની અડધી ગોળી કરવા જતાં ગોળીમાંથી લોખંડનો તાર દેખાતા પુત્રીને દવા આપ્યા વગર તેઓ સીધા જ ડોક્ટરને ત્યાં જઈ તેમણે આપેલ દવાની ગોળીમાં લોખંડનો તાર બતાવતા તેઓ ચોંકી ઊઠ્યા હતા. હર્ષદભાઇએ આ અંગે કડી આરોગ્ય વિભાગના અધિકારીને લેખિત રજુઆત કરી માનવીના આરોગ્ય સાથે ચેડા કરનાર દવા કંપની સામે યોગ્ય કાર્યવાહી કરવા અંગે લેખિતમાં રજુઆત કરી છે.

ઓઢવની દવા કંપનીમાંથી દવા મંગાવી હતી : તબીબ