માત્ર 10 મહિનાની ઉંમરમાં આ જનાબ આ શું શીખી રહ્યા છે?

નાના બાળકોને આ સ્પોર્ટ્સ શીખવવાની જહેમત ઉઠાવી રહી છે કેટી

નાના બાળકોને સ્વિમિંગ શીખવાડવાની આ ટેક્નિક 1966માં ડો. હાર્વે બર્નેટે શોધી હતી

તમે વિચારી પણ નહીં શકો કે આટલી ઓછી ઉંમરમાં કોઈ સ્વિમિંગ કઈ રીતે શીખી શકે, પરંતુ વર્જિનિયાના ડેલ સિટીમાં સ્વિમિંગ એક્ઝામિનર કેટી સ્મિથ નાના ભૂલકાંને સ્વિમિંગ શીખવાડવાની જહેમત ઉઠાવી રહ્યા છે. તેમણે પોતાના 10 મહિનાના સ્ટુડન્ટ વિક્ટોરિયા ફેલનને સ્વિમિંગ શીખવાડવાની જહેમત ઉઠાવી છે.

તેમનું માનવું છે કે જે રીતે ડૂબવાની ઘટનાઓ સતત વધી રહી છે, તેને જોતા જો સમય રહેતા બાળકોને સ્વિમિંગ શીખવવામાં નહીં આવે તો મોટી મુશ્કેલી ઊભી થઈ શકે છે. તે ઈન્ફેન્ટ સ્વિમિંગ રિસોર્સ શીખવે છે. નાના બાળકોને સ્વિમિંગ શીખવાડવાની આ ટેક્નિક 1966માં ડો. હાર્વે બર્નેટે શોધી હતી. તેઓ બાળકોના ડૂબવાથી થતા મોતને અટકાવવા માંગતા હતા અને આ જ રસ્તે કેટી સ્મિથ ચાલી રહી છે.