વીડિયોમાં કેદ થયું નિર્દયી માતાની ક્રૂરતાનું કારનામુ!

 

આ મા એટલી બધી નિર્દયી નીકળી જેની કોઈ પણ કલ્પના ન કરી શકે

માની મમતાથી તો બધા જ વાકેફ છે. માની સામે જો તેનું બાળક રડે તો માને ત્યાં સુધી ચેન નથી પડતુ, જ્યાં સુધી તેનું સંતાન ચૂપ ન થઈ જાય, પરંતુ એરિઝોનાના ગિલબર્ટમાં રહેતી એક મા એટલી બધી નિર્દયી નીકળી જેની કોઈ પણ કલ્પના ન કરી શકે. આ મહિલાએ પોતાના રડતા બાળકને ચૂપ કરાવવા માટે તેના મોંમાં મારિજુઆના (એક નશીલો પદાર્થ)નો ધૂમાડો ફૂંકી દીધો.

એટલું જ નહીં, જેસિકાનું બાળક ચૂપ ન થયુ તો તેણે તેના મોં પર એક લાત પણ મારી દીધી. ગિલબર્ટ, એરિઝોનામાં રહેતી 21 વર્ષીય જેસિકા કેલાવે પર બાળ ઉત્પીડનનો મામલો નોંધવામાં આવ્યો છે. તેણે પોલીસને જણાવ્યું હતું કે તે રાત્રે તેને બહાર જવુ હતું અને તેનો દીકરો તેને પરેશાન કરી રહ્યો હતો.

જેસિકાના આ કારનામાનો તેના ફ્લેટની એક વ્યક્તિએ વીડિયો બનાવી લીધો હતો અને પોલીસને આપી દીધો હતો. વીડિયોમાં સ્પષ્ટ દેખાયુ હતું કે તે તેના બાળકના પગ ઊંચા કરીને તેને મારતી પણ હતી. આ બધુ વીડિયોમાં કેદ થઈ ગયું છે. અત્યારે તો તેને 2700 ડોલરના જામીન પર મુક્ત કરવામાં આવી છે.