આ રહી દુનિયા અજબ – ગજબની વાતો

 

અમેરિકાના નેવાડામાં બ્લેક રોક રણમાં હાલ એક અનોખો કળા અને સંગીત મહોત્સવ ચાલી રહ્યો છે. બર્નિંગ મેન ૨૦૧૧ - રાઈટ્સ ઓફ પેસેજ તરીકે ઓળખાતા આ મહોત્સવમાં આખી દુનિયામાંથી ૫૦,૦૦૦ લોકોએ હાજરી આપી હતી. કેટલાક કલાકારોએ ચકડોળ બનાવ્યું હતું જેમાં માત્ર હાડપિંજરો ગોઠવવામાં આવ્યાં છે જ્યારે પોર્ટલેન્ડથી આવેલી યુવતી લાતિશાની ઓક્ટોપસ આકારની હેટ ભારે આકર્ષણનું કેન્દ્ર બની હતી.

 

ગુજરાતમાં હાલ ગૌવંશ બચાવવા મોટાપાયે આંદોલન ચાલી રહ્યું છે તો જાપાનમાં પર્યાવરણવાદી કાર્યકરો ડોલ્ફિનને બચાવવા ઘણા વખતથી માગણી ઉઠાવી રહ્યા છે. મનીલામાં પર્યાવરણવાદી કાર્યકરોએ ડોલ્ફિનના આકારો ધારણ કરીને જાપાની દૂતાવાસની બહાર દેખાવો કર્યા

 

દુનિયા ગમે તેટલી પ્રગતિ કરે પરંતુ સ્કેન્ડેનેવિયન દેશોને બાદ કરતા લગભગ તમામ દેશોમાં અમુક ટકા વૃદ્ધ નાગરિકોની સ્થિતિ દયાજનક જ હોય છે. વર્તમાન સમયમાં સૌથી વધુ ગતિએ આર્થિક વિકાસ કરી રહેલા ચીનની આ તસવીર મહોરા પાછળની અસલી હકીકતો વિશે ઘણુંબધું કહી જાય છે. જે ઉંમરે ભગવાનનું નામ લઈને શાંતિથી જીવન પસાર કરવાનું હોય ત્યારે ચીનની આ વૃદ્ધ મહિલાએ બે ટંકનુંભોજન મળી રહે તે માટે કચરામાંથી ચીજવસ્તુઓ વીણીને તે વેચવા જવું પડે છે.