બનાવો 'અડદની દાળ'

 

 

4 વ્યક્તિઓ માટે બનાવો

સામગ્રી:

1 કપ અડદની દાળ (સફેદ)
1 ડુંગળી સ્લાઈસ
1 ટમેટું સમારેલું
1 ટીસ્પૂન આદુ છીણેલું
1-2 લીલા મરચાં સમારેલા
લીલા ધાણા સમારેલા
1 ટીસ્પૂન જીરૂ
2 તમાલપત્ર
2 લવિંગ
1/2 ટીસ્પૂમ હળદર પાવડર
સ્વાદ અનુસાર મીઠું
1 ચપટી ગરમ મસાલો
લાલ મરચાંનો પાવડર
2 ટેબલસ્પૂન ઓઈલ
1 ટીસ્પૂન લીંબુનો રસ

રીત:

- દાળને બરાબર ધોઈને પાણીમાં 10-15 મિનીટ સુધી પલાળી રાખો.
- 2 કપ પાણીમાં દાળને બાફી લો. તે નરમ થાય ત્યાં સુધી બાફો. તે બહુ ગળી ન જાય તેનું ધ્યાન રાખો. નિતારીને બાજુ પર મૂકો.- એક કઢાઈમાં તેલ ગરમ કરો અને તેમાં લવિંગ, તમાલપત્ર, જીરૂના દાણા ઉમેરીને ફૂટવા દો.- તેમાં આદું, ડુંગળી, લીલા મરચાં ઉમેરીને ગોલ્ડન બ્રાઉન થાય ત્યા સુધી સાંતળો.- હવે તેમાં ટમેટાં ઉમેરો. બાકીના સૂકા મસાલા ઉમેરીને થોડી ક્ષણો સાતંળો.- બાફેલી દાળ આ કઢાઈમાં ઉમેરો. તેની ઉપર લીંબુનો રસ પણ ઉમેરો.- ગરમ મસાલો નાંખીને લીલા ધાણા સાથે ગાર્નિશ કરો.- ગરમા ગરમ અડદની દાળને બાજરીના રોટલા કે ભાખરી સાથે ખાઈ શકો છો.- ભાણાંનો સ્વાદ વધારવા માટે સાથે કાચી ડુંગળી, ગોળ અને છાશ પણ પીરસી શકો છો