ફેસબૂકની સિક્યોરિટીમાં ખામી શોધી આપો તો મળશે રૂપિયા

 

 

  -અત્યાર સુધીમાં 18 લાખ રૂપિયાથી વધુ લોકો મેળવી ચુક્યાં છે સોશિયલ નેટવર્કિંગ સાઈટ ફેસબૂકના સિક્યોરીટી નેટવર્કમાં ખામીઓ જણાઓ અને ઈનામ મેળવો. કંપનીનું કહેવું છે કે, ગત ત્રણ અઠવાડિયામાં તે એવા લોકોને 40,000 ડોલર (18 લાખ રૂપિયાથી વધુ) ઈનામ પેટે ચૂકવી ચૂકી છે. ફેસબૂકે બગ બાઉંટી નામના કાર્યક્રમ થોડા સમય પહેલાં જ શરૂ કરી દીધો છે. જેમાં કંપનીની સુરક્ષાને લગતી ખામીઓનો ખુલાસો કરનારને આ ઈનામ ચુકવવામાં આવે છે. ફેસબૂકના મુખ્ય સુરક્ષા અધિકારી જોએ સુલિવને તેના બ્લોગમાં જણાવ્યું હતું કે, અમે બગ્સ (નેટવર્કમાં સુરક્ષાત્મક ખામીઓ)ની સૂચના આપનારને રિવોર્ડ આપવાનું શરૂ કરી દીધુ છે. દુનિયાભરમાં 75 કરોડથી વધુ લોકો ફેસબૂકનો ઉપયોગ કરે છે. ભારતમાં ફેસબૂક યુઝર્સની સંખ્યા અઢી કરોડથી વધુ છે.