એલઆઈસી એજન્ટોને થઈ ગઈ બલ્લે-બલ્લે

 

નવી દિલ્હી. જે એલઆઈસી એજન્ટ્સ અત્યાર સુધી નિરાશ હતા તેમના માટે હવે ખુશખબરી સામે ચાલીને આવી છે. સરકાર આ વાત ઉપર વિચાર કરવા રાજી થઈ ગઈ છે કે તેમને કમાણી કરવાના કેટલીક વધારે તકો આપવામાં આવે. ભારતભરમાં એલઆઈસી એજન્ટોની સંખ્યા 14 લાખ કરતા પણ વધારે છે.

- એનપીએસ લાઇટમાં સરકાર પણ પોતાનુ યોગદાન આપી રહીં છે
- સરકારનું લક્ષ્ય 10 લાખ લોકોને તેમાં આવરી લેવાનું છે
- આ સમૂહ માટે એજન્ટ્સની તેમાં જરૂરિયાત સમજવામાં આવી છે
- એલઆઈસી એજન્ટોને ન્યૂ પેન્શન સ્કીમ (એનપીએસ) વેચવાની સુવિધા આપવામાં આવે

સરકાર આ વાત ઉપર સહમત થઈ ગઈ છે કે એલઆઈસી એજન્ટોને ન્યૂ પેન્શન સ્કીમ (એનપીએસ) વેચવાની સુવિધા આપવામાં આવે. આ યોજના અગાઉ કરતા વધારે સારી છે અને તેમાં ઓછી આવક ધરાવતા લોકોને ધ્યાનમાં રાખીને બનાવામાં આવી છે. આ સમૂહ માટે બનાવામાં આવી છે અને તેના માટે એજન્ટ્સની તેમાં જરૂરિયાત સમજવામાં આવી છે.

એનપીએસ લાઇટમાં સરકાર પણ પોતાનુ યોગદાન આપી રહીં છે અને દરેક એકાઉન્ટ ઉપર સરકાર 1000 રૂપિયા આપી રહીં છે. સરકારની સમસ્યાએ છે કે આ સ્કીમમાં વધારે લોકો આવી નથી રહ્યાં અને માત્ર ત્રણ લાખ લોકો જ તેમાં જોડાયા છે, જ્યારે સરકારનું લક્ષ્ય 10 લાખ લોકોને તેમાં આવરી લેવાનું છે.

સરકાર હવે આ એજન્ટોને વધારે કમીશન આપીને જોડવા માંગે છે. તેઓને આશા છે કે તેનાથી આ યોજના સફળ બનશે.