ચટપટા સમોસા

5 વ્યક્તિઓ માટે બનાવો 'સમોસા'

સામગ્રી:

સ્ટફીંગ માટે:

4 બાફેલાં બટાકાં

100 ગ્રામ બાફેલાં લીલા વટાણાં

100 ગ્રામ સમારેલી ડુંગળી

2 ટીસ્પૂન આદું-મરચાની પેસ્ટ

2 ટીસ્પૂન વરિયાળી, આખા ઘાણા

1 કપ સમારેલી કોથમીર

3 નંગ તજ-લવિંગ-મરી

1 ટીસ્પૂન મરચું

1 ટીસ્પૂન ગરમ મસાલો

1 ટીસ્પૂન આમચૂર પાવડર

1 ટીસ્પૂન હિંગ

1/2 ટીસ્પૂન હળદર

મીઠું- સ્વાદ પ્રમાણે

તેલ- જરૂર પ્રમાણે

લોટ માટે:

250 ગ્રામ મેંદો

2 ટેબલસ્પૂન તેલ

મીઠું- સ્વાદ મુજબ

તળવા માટે તેલ

રીત:

- સૌપ્રથમ મેંદામાં સ્વાદ પ્રમાણે મીઠું અને જરૂર પૂરતું મોણ નાખી કઠણ લોટ બાંધીને દસ મિનિટ રહેવા દો.

- આ દરમિયાન સ્ટફિંગ માટે એક પેનમાં તેલ ગરમ કરીને તેમાં હિંગ, તજ, લવિંગ, મરી, આખા ધાણા, સમારેલી ડુંગળી અને બાફેલાં લીલા વટાણાં સાંતળવા.

- ત્યાર બાદ મરચું, હળદર, ગરમ મસાલો, આમચૂર અને મીઠું ઉમેરીને બરાબર હલાવવું.

- હવે તેમાં બાફેલાં બારીક સમારેલાં બટાકા ઉમેરીને કોથમીર નાખી બરાબર ભેળવીને ઠંડુ થવા દો.

- મેંદાના લોટમાંથી લૂઓ લઇને તેની મોટી રોટલી વણો. તેને વચ્ચેથી કાપી સ્ટફિંગ ભરી સમોસાનો આકાર આપો.

- આ રીતે બધા સમોસા તૈયાર કરીને ત્યાર બાદ ગરમ તેલમાં બદામી રંગના તળવા.

- ચા કે કોથમીરની ચટણી સાથે તેનો સ્વાદ માણો.