દુનિયાનું સૌથી નાનુ બ્લૂટૂથ માઉસ હવે ભારતમાં પણ મળશે

 

ભારતીય બજારમાં હવે લેપટૉપ અને કમ્પ્યુટરની સાથે-સાથે અવનવા ઉપકરણો પણ અત્યાધૂનિક સ્વરૂપ લેતા જાય છે. કમ્પ્યુટર એસેસેરીઝની નિર્માતા કંપની જીનિયસે એક એવું માઉસ તૈયાર કર્યું છે જેને તમે સરળતાથી તમારા ખીસ્સામાં પણ મુકી શકો છો. તેનો દેખાવ પણ તમને તેની તરફે આકર્ષિત કરે તેવો છે.

- કંપનીએ દુનિયાનું સૌથી નાનુ માઉસ કમ્પ્યૂટર માર્કેટમાં લૉન્ચ કર્યું છે
- તેમાં 1000 ડીપીઆઈ સેન્સેવિટીકનો પ્રયોગ કરવામાં આવ્યો છે
- નેનો/પીકો રિસીવર સ્લૉટ માઉસ અને કમ્પ્યુટરની વચ્ચે આકર્ષક કનેક્ટીવિટી
- માઉસને એક વાર ચાર્જ કર્યા પછી ખાસ્સા દિવસો સુધી તેનો ઉપયોગ કરી શકાય છે
કંપનીએ દુનિયાનું સૌથી નાનુ માઉસ કમ્પ્યૂટર માર્કેટમાં લૉન્ચ કર્યું છે. માઉસને કન્ટ્રોલ કરવા માટે વાયરલેસ થંબ કર્સર આપવામાં આવ્યું છે જે ટ્રેક બૉલની જેમ જ કામ કરે છે. માઉસને તમે અંગુઠા અને આંગળીમાં ભરાવીને પણ સરળતાથી ઉપયોગ કરી શકો છો.

આ માઉસનું વજન માત્ર 12 ગ્રામ જ છે અને તેમાં 1000 ડીપીઆઈ સેન્સેવિટીકનો પ્રયોગ કરવામાં આવ્યો છે. માઉસમાં વધારે અંતર માટે 2.4 ગીગા હર્ટ્ઝ વાયરલેસ કનક્ટિવિટી આપવામાં આવી છે જે 10 મીટર દુરથી પણ સરસ રિસ્પોન્સ આપે છે.

માઉસમાં આપવામાં આપવામાં આવેલી યૂએસબી નેનો/પીકો રિસીવર સ્લૉટ માઉસ અને કમ્પ્યુટરની વચ્ચે આકર્ષક કનેક્ટીવિટી ઉપલબ્ધ કરાવે છે. માઉસની ડિઝાઈન ખાસ્સી યુઝર ફ્રેન્ડલી છે. તમને જણાવી દઈએ કે આ માઉસને તેની ડિઝાઇન અને પરફોર્મન્સ માટે આઈએફ એવૉર્ડ પણ મળી ચુક્યો છે.

આ માઉસને એક વાર ચાર્જ કર્યા પછી ખાસ્સા દિવસો સુધી તેનો ઉપયોગ કરી શકાય છે. ભારતમાં આ માઉસની કિંમત 69.99 ડૉલર એટલે કે 3400 રૂપિયાની આસપાસ રાખવામાં આવી છે.