35 લાખ રૂપિયાની એક કિલો પાલક

 

જર્મનીના વૈજ્ઞાનિકો મોંઘા શાકભાજી ઉગાડવામાં લાગેલા છે

તમે પાલક તો ખૂબ ખાધી હશે, પરંતુ ક્યારેય તમે 35 લાખ રૂપિયા પ્રતિ કિલોની કિંમતની પાલક ખાધી છે? જર્મનીના વૈજ્ઞાનિકો મોંઘા શાકભાજી ઉગાડવામાં લાગેલા છે. આ શાકભાજીમાં ખાસ પ્રકારના તત્વો મળી આવે છે, જે બીમારી સામે લડવા માટે સક્ષમ હોય છે.

ઉલ્લેખનીય છે કે શાકભાજી અને મસાલામાં મળી આવતું તત્વ ફ્લેવોનોઇડ બ્લડ સર્ક્યુલેશનને કાબુમાં રાખવા, હાર્ટની બીમારી અને કેન્સર સામે લડવા માટે મદદગાર સાબિત થાય છે. વૈજ્ઞાનિકો દ્વારા ઉગાડવામાં આવતા શાકભાજીમાં આ તત્વ અન્ય શાકભાજીની તુલનામાં વધારે હશે અને આ માટે વૈજ્ઞાનિકોએ પાલક અને ફૂદીના કે પાર્સલેના છોડને પસંદ કર્યો છે.

તેમાં ફ્લેવોનોઇડની માત્રા અન્ય શાકભાજીની સરખામણીમાં વધારે હોય છે. છોડના વિકાસ માટે કાર્બન ડાયોક્સાઇડ આપવામાં આવે છે, પરંતુ આ કાર્બન ડાયોક્સાઇડ વાતાવરણમાં મળતા કારબન ડાયોક્સાઇડથી અલગ હોય છે. તેમાં સાધારણ 12સીના બદલે 13સીનો ઉપયોગ કરવામાં આવે છે, જે ખાસ્સો મોંઘો હોય છે. તેની ચાર હજાર લીટરની એક બોટલની કિંમત આશરે 70 લાખ રૂપિયા છે. આ કારણે જ તે મોંઘી હશે. આ કાર્બન ડાયોક્સાઇડથી શાકભાજીમાં ફ્લેવોનોઇડની માત્રા કેટલાય ગણી વધી જાય છે.