બનાવો ચટાકેદાર 'ખાટી કઢી'

3 વ્યક્તિઓ માટે બનાવો સ્વાદિષ્ટ કઢી

સામગ્રી 
1/2 લીટર ખાટી છાશ, 
1/2 કપ બેસન, 
1 ડાળી કઢી લીમડો, 
1/2 ટી સ્પૂન જીરું, 
સ્વાદમુજબ મીઠુ, 
1/2 ટેબલ સ્પૂન લાલ મરચું,
ચપટી હિંગ, 
1/4 ટી સ્પૂન હળદર, 
કોથમીર, 
તમાલ પત્ર અને બે લવિંગ બે મરી
2 ટેબલ સ્પૂન ઘી.

રીત 
-સૌ પહેલા છાશમાં બેસન, મીઠુ, મરચું, 1/2 ટી સ્પૂન હળદર મિક્સ કરો
-વાસણમાં ઘી ગરમ કરો. તેમા જીરુ, હિંગ, કઢી લીમડો, તમાલ પત્ર, લવિંગ અને મરી નાખો. 
-જીરુ તતડ્યા પછી તેમા છાશનુ મિશ્રણ નાખો. સતત હલાવતા રહો. 
-ઉભરો આવતા સુધી થવા દો. ઉકાળો આવતા ધીમા તાપ પર 10 મિનિટ થવા દો. 
-હવે કોથમીરથી ગાર્નીશ કરી ગેસ બંધ કરી દો 
-ગરમાગરમ કાઠિયાવાડી કઢી તૈયાર છે તેને ખિચડી કે પુલાવ સાથે સર્વ કરો.