વેકેશનનો કરો સદુપયોગ, એજ્યુકેશનલ વીડિયો

 

ઇન્ટરનેટનો સૌથી ફ્રુટફૂલ ઉપયોગ એટલે એની મદદથી આપણા જ્ઞાનની સીમાઓ વિસ્તારવી. પરંતુ ઇન્ટરનેટ પર લાખો પાનાંમાં પથરાયેલી માહિતી વાંચી વાંચીને બોર ન થવું હોય તો એક અફલાતૂન આઇડિયા છે, ઇન્ટરનેટ પર જ્ઞાન, વિજ્ઞાન અને મનોરંજનનો ત્રિવેણી સંગમ જેવા વીડિયોઝ જોવા. આ માટેનો સૌથી પોપ્યુલર સોર્સ છે, ટેડ.કોમ (ted.com).

ટેક્નોલોજી, એન્ટરટેઇનમેન્ટ એન્ડ ડિઝાઈન એવું પૂરું નામ ધરાવતા આ વાર્ષિક મેળાવડામાં વિવિધ ક્ષેત્રના તજ્જ્ઞો આવીને પોતાના વિચારો વહેંચે છે, જે આપણને આ વેબસાઇટ પર ઉપલબ્ધ છે. ઉપરાંત તેના એજ્યુકેશન.ટેડ.કોમ વિભાગમાં ખાસ શિક્ષણને ધ્યાનમાં રાખીને વીડિયોઝ મુકાયા છે.

પ્રોફેશનલ્સ માટે વિવિધ વિષયો પરના ‘વેબિનાર્સ’નું જંગી કલેક્શન ‘બ્રાઇટટોક’ (www.brighttalk.com) પર અવેલેબલ છે. ગૂગલે શરૂ કરેલો ‘વીસોલ્વફોરએક્સ’ (www.wesolveforx.com) વૈશ્વિક પ્રશ્નોને સમજવા માટે ઉપયોગી છે.

જો પર્યાવરણ વિષયક મુદ્દાઓમાં રસ હોય, તો ‘ગ્રીન.ટીવી’ (green.tv)ની મુલાકાત લેવા જેવી છે. અને સાયન્સ માટે ‘ઓલથિંગ્સસાયન્સ’ (www.allthingsscience.com) મસ્ત ઠેકાણું છે.‘