અરે.. ગુજરાતી આવડે છે ને? તો Wiki પર કરો કંઈપણ સર્ચ

 

-આપ અન્ય કોઈ ભાષામાં Wiki પર કંઈક પણ સર્ચ કરી શકો છો

અમેરિકન કોંગ્રેસમાં પાઇરેસી વિરોધી વિધેયકના વિરોધમાં ઓનલાઇન ઇનસાઇક્લોપીડિયા આજે સવારે 10.30 કલાકથી 24 કલાક માટે બ્લેક આઉટ એટલે કે બંધ રહેશે. વિકીપીડિયાના સંસ્થાપક જિમ્મી વૈલ્સે ટિલ્ટ પર કહ્યું કે, ઇનસાઇક્લોપીડિયા વિકીપીડિયા ખરાબ કાયદાનો વિરોધ કરી રહ્યું છે. આથી અમે તેને બુધવારથી એક દિવસ માટે એટલે કે 24 કલાક માટે બંધ કરવાનો નિર્ણય કર્યો છે.

પણ તેમ છતાં જો આપ દિવસ દરમિયાન Wikiની મદદ લીધા વગર ન રહીં શકતા હોવ તો આપ ઈંગ્લિશ નહીં પણ અન્ય કોઈપણ ભાષાના જાણકાર હોવ તો Wiki પર માહિતી સર્ચ કરી શકો છો.

Wikiની ઈંગ્લિશ વેબસાઈટ પર દરરોજ 2.50 કરોડ લોક વિઝીટ કરે છે પણ જો આપ અન્ય કોઈ ભાષાના જાણકાર હોવ તો આપ માટે Wiki પર કોઈપણ માહિતી સર્ચ કરવી અઘરી નહીં રહે.

ઉલ્લેખનીય છે કે છેલ્લાં કેટલાંક મહિનાથી અમેરિકામાં સોપા પર ચર્ચા જંગ છેડાઇ છે. મોશન પિક્ચર એસોસીએશન ઓફ અમેરિકા જેવા સંગઠન આ કાયદા પર સમર્થન કરી રહ્યા છે. ત્યારે ગૂગલ અને ફેસબુકે પ્રસ્તાવિત કાયદાને અભિવ્યક્તિની આઝાદીની વિરૂદ્ધ બતાવ્યું છે. ઉલ્લેખનીય છે કે વિકીપીડિયાની અંગ્રેજી વેબસાઇટ પર અંદાજે રોજ 2.50 કરોડ લોકો રોજ વિઝીટ કરે છે.